Thursday 12th of December 2019

‘कर तिरेको कागजात पत्रकारलाई देखाउन मिल्दैन’

काठमाडौं । सरकारी कर्मचारी र आयात निर्यातको काम गर्दै आएको एक कम्पनीले अबैधरुपमा हेभी इक्कुमेन्ट आयात गरी करोडौ रुपैयाँ कर छली गर्दा समेत सरकारले सो बारे कुनै छानविन समेत गरेको छैन । विना कर सामान आयात गर्दै आएको कम्पनी इन्टरनेशनल कन्स्ट्रक्सनले सरकारलाई बुझाएको करको विवरण पत्रकारलाई देखाउन नमिल्ने भन्दै अहिले सम्म कर बुझाएको बारे कुनै विवरण समेत दिन चाहेको छैन ।
सो कम्प्नीले मूल्य अभिवृद्धि कर (भ्याट) छली गरि साना इक्विपमेन्ट भन्दै वर्षौँदेखि करजन्य सामानको आयात गर्दै आएको बारे कम्पनीका प्रमुख पियुष जाजोदियाले संग विवरण माग गरेपछि उनले सो प्रतिकृया दिएका हुन । सो कम्पनीले पछिल्लो समयमा ठूलो मात्रामा ‘ब्रेकर’ ल्याएको राजस्व अनुसन्धान कार्यालय पथलैयाले भेटेपछि तत्काल सो कम्पनीबाट आयात गर्दै आएको ‘डोसान एक्स्काभेटर’ को आयात र बिक्रीमै रोक लगाएर छानविन गरि रहेको छ ।

सो कम्पनीले लुकाएर नेपाल भित्राएको ब्रेकरको मात्रै एकपटक आयात गर्दा न्यूनतम ३५ लाख रुपैयाँभन्दा बढीको भ्याटछली गरेको प्रारम्भिक अनुसन्धानबाट भेटिएपछि राजस्वले आयातमा रोक लगाएको थियो । तर सो कम्पनी सञ्चालकसंगकै मिलिमतोमा राजस्वका कर्मचारीले कमिशन लिई विना कारबाही नियन्त्रणमा लिएका सामान छोृडिएको थियो । सरकारले एक्स्काभेटर आयातमा भ्याटछुट दिएको छ भने अन्य पार्टपुर्जाको आयातमा १३ प्रतिशत भ्याट लगाएको छ ।

निर्माण क्षेत्रलाई सरकारले दिएको सुविधाको फाइदा उठाउँदै अवैध सामान नेपाल भित्राउन थालेपछि राजस्व अनुसन्धान कार्यालय पथलैयाले वीरगञ्ज नाकाबाट आयात हुँदै आएका टाटा मोटर्स प्रालि, सुजुकी, सिप्रदी र इन्टरनेशनल कन्ट्रक्सनले आयात गरेको हेभी इक्विपमेन्टहरु नियन्त्रणमा लिई अनुसन्धान गरिएको जनाएको भएपनि सो अनुसन्धाबाट के रिजल्ट आयो त भनी पटकपटक कार्यालयमा सम्र्पक राख्दा कुनै प्रतिकृया राजस्व अनुसन्धान कार्यालय पथलैयाले दिन मानेको छैन ।

विगत ६ वर्षदेखि इन्टरनेशनल कन्स्ट्रक्सन प्रालि स्वयम्भू काठमाडौंमा रहेको सो कम्पनीले लुकाईछिपाई ‘ब्रेकर’ आयात गदै आएको हो । सो कम्पनीले ‘डोसान एक्स्काभेटर’ सँगै दुई हजार किलोभन्दा बढीको ब्रेकर ल्याएको हो । राजस्व अनुसन्धान पथलैयाले सूचना पाउनासाथ सम्बन्धित क्षेत्रमा कर्मचारी खटाई अनुसन्धान सुरु गरिएको जनाएको थियो तर अनुसन्धानको प्रतिवेदन गोप्य राखिएको छ ।

इन्टरनेशनल कन्स्ट्रक्सनका प्रमुख जाजोदियाले सरकारकै नियमअनुसार भन्सार बुझाएर ल्याएको प्रतिक्रिया दिएपनि सो कर बुझाएको प्रतिलिपि भने देखाउन चाहेनन् । उनले एक्स्काभेटरसँगै ल्याउन मिल्ने सानासाना पार्टपुर्जा ल्याएको बताउँदै ब्रेकरलाई कर नलाग्ने दाबी समेत गरे ।
उनले भने, ‘हाम्रो कारोबारको विवरण पत्र यहाँहरुलाई देखाउन मिल्दैन, यहाँले लेख्नुभयो, विना रकम मेरो कम्पनीको विज्ञापन भएकोमा म खुसी छु ।’ सो कम्पनीले अवैधरुपमा भित्र्याएको ब्रेकर समेत कम गुणस्तरहीन भएको समेत स्रोतको दाबी रहेको छ । भ्याटछली गर्दै ल्याएको सो ब्रेकरलाई नेपाली बजारमा भने आफ्नै मूल्यमा बिक्री हुँदै आएको छ ।
सो कम्पनीले आयात गरेको ब्रेकर अधिकांश गुणस्तरहीन समेत रहेको स्रोतको दाबी रहेको छ । यस्तै भ्याटछली गरी ल्याएको सो ब्रेकरको मूल्य समेत आफूखुसी निर्धारण गरिँदै आएको आरोप लागेको छ ।
विगत छ वर्षदेखि डोसान ब्रान्डका एक्स्काभेटर र लोडर नेपाल आयात हुँदै आएको छ । हाल विशेष गरी कन्स्ट्रन्क्सन क्षेत्रमा डोसान र बुलका हेभी इक्विपमेन्टहरु प्रयोग हुँदै आएको छ ।
अधिकांश हेभी इक्विपमेन्टहरु भारतमा निर्माण हुने गरेको छ । तर, डोसान एक्स्काभेटर भने कोरियन ब्रान्ड हो । पछिल्ला दिनमा निर्माणकार्यमा भएको वृद्धिसँगै विभिन्न हेभी इक्विपमेन्टहरुको आयातमा समेत वृद्धि भएको छ । हेभी इक्विपमेन्टको माग बढेसँगै सोही क्षेत्रमा प्रयोग हुने ब्रेकरको समेत माग बढी हुनथालेपछि कम्पनीले डोसान एक्स्काभेटरकै बाक्सामा ब्रेकर लुकाईछिपाई ल्याउने गरेको उच्च स्रोतको दाबी रहेको छ ।

इन्टरनेशनल कन्स्ट्रक्सनले नेपालमा बिक्री गर्ने डोसान र बुल ब्रान्डका हेभी इक्विपमेन्टको बिक्री वितरण गर्दै आएको छ । सो कम्पनीले बुटवल, धनगढी, नेपालगञ्ज, नारायणगढ र इटहरीबाट सो एक्स्काभेटर बिक्री गर्दै आएको छ । उनले छ वर्षदेखि कोरियामा उत्पादन भएको सो एक्स्काभेटर नेपाल ल्याई बिक्रीवितरण गरेदेखि नै सरकारी ढुकुटीमा बुझाउनुपर्ने आयकर र राजस्व समेत छली गर्दै आएको आरोप उनीमाथि लागेको छ ।
जाजोदियासँग पटक–पटक करछलीबारे प्रश्न गर्दा उनले एउटै उत्तर दिए, ‘हामीले सरकारी नीतिनियमअनुसार कर बुझाएका छौँ, तर सो कर बुझाएको विवरण भने पत्रकारलाई दिन नमिल्ने बताउँदै आएका छन ।’
-अार्थिक

प्रतिक्रिया दिनुहोस्