Tuesday 31st of March 2020

सर्वोच्चको मुख्य रजिष्ट्रारमा निरौलालाई नियुक्ति गर्ने तयारी

काठमाडौं । न्याय परिषद् सचिवालय बैठकले सर्वोच्चका मुख्य रजिष्ट्रार राजनप्रसाद भट्टराईलाई पाटन उच्च अदालतको न्यायाधीशमा नियुक्ति गर्ने निर्णय गरेको छ ।

सर्वोच्च अदालतका प्रधानन्यायाधीश तथा न्याय परिषद्का अध्यक्ष चोलेन्द्र समशेर राणाको अध्यक्षतामा बसेको वैठकले यस्तो निर्णय गरेको हो ।

सर्वोच्चको मुख्य रजिष्ट्ररमा परिषद्का सचिव नृपध्वज निरौलालाई नियुक्त गर्ने तयारी रहेको न्याय परिषदको स्रोतले जनाएको छ ।

निरौलालाई सर्वोच्चमा मुख्य रजिष्ट्रारमा नियुक्ति गर्नका लागि भट्टराईलाई न्यायाधीश बनाएर पाटन पठाइएको स्रोतले जनाएको छ । आज न्याय सेवा आयोगको वैठक बस्दैछ ।

प्रतिक्रिया दिनुहोस्