Sunday 8th of December 2019

स्यंम राष्ट्रपति घोषणा गर्ने भेनेजुएलाका नेतालाई देश छाड्न प्रतिबन्ध

काठमाडौं । भेनेजुएलाका विपक्षी नेता जन गुइडोलाई देशबाहिर जान प्रतिबन्ध लगाइएको छ । त्यहाँको सर्वोच्च अदालतले गुइडोलाई देश छाड्न प्रतिबन्ध लगाउँदै उनको बैंक खातासमेत रोक्का गरिदिएको छ ।

गुइडोले गत बुधबार एक विरोध प्रदर्शनका क्रममा आफूलाई देशको अन्तरिम राष्ट्रपति घोषणा गरेका थिए । गुइडोले सडकबाटै गरेको घोषणालाई अमेरिकाले समर्थन जनाएको थियो ।

गुइडोको घोषणाले भेनेजुएलामा तनाव बढिरहेका बेला त्यहाँको सर्वोच्च अदालतले गुइडोलाई देश छाड्न प्रतिबन्ध लगाएको हो । बीबीसीका अनुसार, उनको बैंक खातासमेत रोक्का गर्ने अदालतले दिएको छ ।

अदालतको पछिल्लो आदेशले भेनेजुएलाको तनाव थप बढ्ने अनुमान गरिएको छ । त्यहाँको विपक्षी दलले पछिल्लो निर्वाचनको परिणाम सार्वजनिक भएदेखि नै त्यसप्रति असहमति जनाउँदै प्रदर्शन गर्दै आइरहेको छ ।

विपक्षी दल र तिनका नेतालाई अमेरिकाले खुलेआम समर्थन गर्दै आइरहेको छ भने रसिया, चीनलगायत देशको सहानुभूति राष्ट्रपति निकोलस मदुरोलाई छ ।

प्रतिक्रिया दिनुहोस्