Friday 22nd of February 2019

यो वर्ष क-कसले लिँदैछन् ५० करोड रुपैयाँभन्दा बढी ऋण (सूचि)

काठमाडौं । चालु आर्थिक वर्षको मौद्रिक नीति मार्फत् राष्ट्र बैंकले ५० करोड रुपैयाँभन्दा माथिको ऋण लिने कम्पनी तथा फर्मले क्रेडिट रेटिङ गराउनुपर्ने व्यवस्था अनिवार्य गर्यो ।

सात महिनाको अवधीमा ५० करोडभन्दा माथिको ऋण लिनको लागि ४९ अर्ब २६ अर्ब रुपैयाँ ऋण लिनको लागि कम्पनीहरुले रेटिङ गराएका छन् ।

संचालनमा रहेका दुईवटा रेटिङ ऐजेन्सीका अनुसार २० वटा कम्पनीले सो बराबरको ऋण लिनको लागि रेटिङ गराएका हुन् । जसमा केयर नेपाल रेटिङ ऐजेन्सीमा २७ अर्ब ६९ करोड रुपैयाँको रेटिङ भएको छ भने इक्रा नेपालमा २१ अर्ब ५६ करोड रुपैयाँको ऋण लिने कम्पनीको रेटिङ भएको छ ।

ऋण लिनको लागि रेटिङ गराएका कम्पनीमा सबैभन्दा बढी ऋण लिने सम्राट सिमेन्टले ९ अर्ब ६७ करोड रुपैयाँको रेटिङ गराएके छ । सम्राटले केयर नेपाल मार्फत रेटिङ गराएको हो ।

रेटिङ भएका कम्पनी मध्ये दोस्रो ठूलोमा ऋण लिन खोजेको कम्पनी भने अग्नि इन्कर्पोरेट रहेको छ । अग्नीले ८ अर्ब २४ करोड रुपैयाँको ऋण लिनको लागि रेटिङ गराएको छ ।

तेस्रोमा भने मैनावत्ति स्टिल रहेको छ । मैनावत्तिले ४ अर्ब करोड रुपैयाँ ऋण लिनको लागि रेटिङ गराएको छ । चौथोमा माउन्टेन्ट हाइड्रो रहेको छ । माउन्टेन्ट हाइड्रोले ३ अर्ब १२ करोडको ऋण लिनको लागि रेटिङ गराएको छ ।

५० करोडभन्दा बढीको ऋण लिन खोजेका कम्पनीमा ५ वटा कम्पनी अटोमोबाइल्ससँग सम्बन्धित कम्पनी छन् । अर्थात गाडी बिक्रेता कम्पनी चारवटा जलविद्युत् कम्पनी छन् ।

रेटिङ भएको ऋणले भने बैंक तथा वित्तीय संस्थालाई अझै ऋणको चाप पर्ने देखाएको छ । रेटिङ गरेपछि मात्र ऋणको प्रक्रिया अगाडि बढ्ने गर्छ । जसले बैंक तथा वित्तीय संस्थामा ऋणको माग अत्याधिक बढी भएको देखाएको छ ।

कम्पनी नाम ऋण रकम-१० लाखमा_
अग्नी इनकर्पोरेट 8,242
अटोवेयज 1,381
आखामा होटल 1,150
एभभान्स अटोमोबाइल 1,296
कन्काई इन्टरनेशनल बिल्डर 2,148
गोदावरी स्टिल 3,500
चिर्खा हाइड्रो पावर 650
छायादेवी कम्प्लेक्स 2,050
डिशहोम 2,228
पाथिभरा स्टिल 800
पायोनियर मोटर कर्प 1,515
भिजी अटोमोबाइल्स 1,196
माउन्टेन्ट हाइड्रो पावर 3,120
मायाखोला हाइड्रो पावर 1,825
मेगा सिमेन्ट 600
मैनावत्ति स्टिल 4,965
रियल स्टिल 940
सम्राट सिमेन्ट 9,673

प्रतिक्रिया दिनुहोस्