Tuesday 26th of March 2019

तपाईको यो साता (फागुन २८ देखि चैत ४ गतेसम्मको राशिफल)

मेष – यात्राको सुख मिल्नेछ । पारिवारिक भेटघाटमा रमाइलो हुनेछ । साताको मध्यमा कार्यमा बाधा, स्वास्थ्यमा बाधा एवम मानसिक समस्या बढ्नेछ । साताको अन्त्यमा विदेशबाट फाइदा, अधुरा काम बन्ने एवम धार्मिक कार्यमा खर्च हुनेछ ।

वृष – मुद्दा मामिलामा राहत मिल्नेछ । स्वास्थ्यमा सुधार हुने एवम विरोधी तह लाग्नेछन् । साताको मध्यमा साझेदारीबाट फाइदा, प्रेममा प्रगति एवम व्यावसायिक यात्रा हुनेछ । अन्त्यमा भने काममा ढिलासुस्ती, सम्मानमा आघात एवम मित्रजनबाट असहयोग मिल्नेछ ।

मिथुन – अध्ययनमा प्रगति हुनेछ । बुद्धिले साथ दिनेछ । सन्तानबाट खुशीयाली बढ्नुका साथै आम्दानीको स्तर वृद्धि हुनेछ । मध्यमा स्वास्थ्यमा सुधार मित्रजनबाट सहयोग एवम विरोधीहरु पर हट्नेछन् । अन्त्यमा भने ससुराल पक्षबाट फाइदा, वैवाहिक काममा व्यस्तता एवम भोजभतेरमा सहभागी भइनेछ ।

कर्कट– स्वास्थ्यमा प्रतिकुलता आउनेछ । घरायसी वादविवाद बढ्नेछ । मध्यमा भने बौद्धिक काममा रुचि, सन्तानबाट सहयोग एवम व्यापारमा फाइदा हुनेछ । साताको अन्त्यमा खर्च बढ्ने, चोटपटकको सम्भावना एवम शारिरीक अस्वस्थता रहनेछ ।

सिंह– दौडधुप बढी हुनेछ । सामाजिक काममा व्यस्त भइनेछ । उत्साह बढ्ने एवम दाजुभाईबाट सहयोग पाईनेछ । साताको मध्यमा भने अनावश्यक कलह, महिलापक्षसँग वैमनस्यता हुनेछ । अन्त्यमा भने अध्ययनमा रुचि, व्यापारमा फाइदा एवम सन्तानको प्रगति देखिनेछ ।
कन्या– बोलीको प्रभाव पर्नेछ । धनको वृद्धि हुनेछ । कुटुम्ब सहयोगले काम बन्नेछ । उत्साहमा वृद्धि एवम छोटो यात्रा हुनेछ । भाग्यले साथदिने एवम नयाँ मित्रसँग भेटघाट हुनेछ । सुखसयलमा मन जाने र बढी खर्च हुनेछ । अन्त्यमा भने स्वास्थ्यमा समस्या एवम नमिठो खबर आउन सक्नेछ ।

तुला– यात्राको योग बन्नेछ । नयाँ कामको थालनी हुनेछ । आफ्नो पहिचान बन्नेछ । धन सम्पतिको कारोबार बढ्ने एवम इष्टमित्रबाट भरपुर सहयोग मिल्नेछ । साताको अन्त्यमा भने यात्रा हुने, साथीभाईबाट सहयोग एवम दाजुभाईमा मेलमिलाप भएर आपसी झमेला टुंगिनेछ ।

वृश्चिक– खर्च धान्न मुस्किल हुनेछ । पैसाको अभावले काममा बाधा पुग्नेछ । सरसामान हराउन सक्ने एवम अनावश्यक घाटा बेहोर्नुपर्नेछ । मध्यमा भने राजनीतिबाट फाइदा एवम ठुलाबडासँग कारोबार हुनेछ । साताको अन्त्यमा भने हिँडडुलमा व्यस्तता एवम काममा प्रगति देखिनेछ ।

धनु – आम्दानी राम्रो हुनेछ । काममा फाइदा मिल्नेछ । नयाँ सरसामान घरमा भित्रिनेछ । साताको मध्यमा खर्च बढ्ने एवम नोक्सानीको भय रहनेछ । मनमा अशान्ति बढ्ने एवम स्वास्थ्यमा प्रतिकुलता देखिन्छ । अन्त्यमा भने रोजगारीको अवसर एवम कामबाट फाइदा मिल्नेछ ।

मकर – राजनीतिक लाभ मिल्नेछ । रोजगारीमा अवसर पाईनेछ । आम्दानी बढ्ने व्यापारमा फाइदा एवम धनको कारोबारमा सफलता मिल्नेछ । साताको अन्त्यमा भने काममा तनाव आउने एवम अनावश्यक लाञ्छना लाग्नेछ । स्वास्थ्यको लागि खर्च एवम अनावश्यक तनाव बढ्नाले काममा बाधा हुनेछ ।

कुम्भ – भाग्यले साथ दिनेछ । वैदेशिक काममा फाइदा मिल्नेछ । धर्ममा रुचि बढ्ने एवम सामाजिक काममा अवसर पाइनेछ । मध्यमा भने रोजगारीमा फाइदा एवम जिम्मेवारी थपिनेछ । साताको अन्त्यमा राम्रो आम्दानी हुने एवम धनको कारोबारबाट सन्तुष्टि मिल्नेछ । अचानक फाइदाको लाभ मिल्नेछ ।

मीन – बोलीले गर्दा तनाव हुनेछ । स्वास्थ्यमा अचानक बाधा एवम यात्रामा ढिलासुस्ती हुनेछ । साताको मध्यमा भने व्यापारमा फाइदा, साझेदारीमा लाभ एवम दाम्पत्य प्रेममा प्रगति हुनेछ । अचानक यात्रा हुने एवम पुराना कामहरु बन्नेछन् । विरोध गर्नेहरुले सहयोग देखाउनेछन् । स्वास्थ्यमा सुधार एवम राम्रो काममा खर्च भने बढ्नेछ ।

प्रतिक्रिया दिनुहोस्