Monday 27th of January 2020

“भोकभोकै हलो जोत्नेको पक्षमा बोल्नै नहुने, यस्तो गणतन्त्र कसको लागि ?”

नेकपा संसदीय दलकी सचेतक शान्ता चौधरीले भूमिहीन किसानको पक्षमा ल्याइएको गुठी विधेयकले कतैपनि धार्मिक आस्थामाथि हस्तक्षेप नगरेको दाबी गरेकी छिन् ।

प्रतिनिधिसभाको आइतवार बसेको बैठकको विशेष समयमा बोल्दै सांसद चौधरीले काठमाडौँ उपत्यकाभित्र र बाहिरका गुठीको समस्या छुट्टाछुट्टै भएको बताइन् ।

उनले भनिन्,‘म दाङको सांसद हुँ, दाङमा स्वर्गद्वारी गुठीको १२ सय बिघा जमिन १६ सय घरधुरीले प्रयोग गरिरहेका छन् । स्वर्गद्वारी मन्दिरलाई संरक्षण गर्ने मोही किसानको समस्या यति नाजुक छ, उनीहरूको बारेमा कोही किन बौल्दैन ?’।

सांसद चौधरीले प्रतिपक्षी दल कांग्रेसलाई प्रश्न गरिन्, ‘भोकभोकै हलो जोत्नेको पक्षमा बोल्नै नहुने ? गरीबको पक्षमा बोल्न नहुने हो भने यस्तो गणतन्त्र कसको लागि हो ?’

संसदमा भावुक हुँदै शान्ताले थपिन्, ‘मान्छेलाई रुवाएर हाँस्ने भगवान् कहाँ हुन्छ ? गरीबका आँशु देखेर प्रतिपक्षलाई अलिकति पनि दया लागेन ?’

प्रतिक्रिया दिनुहोस्