Monday 22nd of July 2019

प्रदेश २ का महिलालाई लोकसेवा तयारी कक्षा र आत्मरक्षा तालिम

जनकपुरधाम । प्रदेश २ का महिलालाई लोकसेवा तयारी कक्षा र आत्मरक्षाको तालिम दिन शुरु गरिएको छ ।

‘बेटी पढाऔं, बेटी बचाऔं’ अभियान अन्तर्गत लोक सेवा उत्तिर्ण गरी जागिर खान सक्ने तथा आफ्नो सुरक्षा आफैं गर्न सक्ने बनाउन तालिम दिन शुरु गरेको छ । बुधबारदेखि शुरु भएको लोकसेवा तयारी कक्षामा १०१ महिलाको सहभागिता छ ।

कौटिल्य इन्स्टिच्युटसँग सहकार्यमा प्रदेश सरकारले पहिलो चरणमा १०१ महिलालाई लोकसेवाको तयारी गराउन लागेको छ । अर्काे चरणमा थप महिलालाई लोकसेवा तयारी कक्षामा सहभागी गराउने प्रदेश सरकारले जनाएको छ ।

यसअघि मंगलबारबाट महिलाहरुको आत्मरक्षाका लागि तालिम दिन शुरु गरिएको छ । प्रदेश २ का आठै जिल्लाका ८÷८ विद्यालयका छात्राहरुलाई आत्म रक्षा तालिम शुरु भएको छ ।

बलात्कार जस्ता हिंसाबाट बच्न आत्म रक्षा तालिम छात्राहरुलाई दिन सुरु गरिएको आन्तरिक मामिला तथा कानून मन्त्री ज्ञानेन्द्र यादबले जानकारी दिए । उनले यो तालिमबाट हिंसा गर्न खोज्ने जो कोहीलाई प्रतिकार गरी आत्मरक्षा गर्न सकिने बताए । यो तालिम १५ दिनसम्म सञ्चालन हुनेछ ।

प्रतिक्रिया दिनुहोस्