Tuesday 25th of February 2020

मृत भेटिएकी किशोरीको पहिचान खुल्यो, हत्या आरोपमा श्रीमान पक्राउ

वीरगञ्ज । पर्साको ठोरी गाउँपालिकामा घाँटी रेटिएको अवस्थामा भेटिएकी किशोरीको पहिचान खुलेको छ । उनी जिराभवानी गाउँपालिका–३ परसवा बस्ने रामबाबु पासवानको श्रीमती १८ वर्षीया नीपुकुमारी पासवान रहेको इलाका प्रहरी कार्यालय ठोरीका प्रहरी निरीक्षक केदारराज पन्तले जानकारी दिए । उनको माइती भारत बिहार राज्यको पचरुखी सेढवामा पर्छ ।

हत्यामा संलग्न भएको आशंकामा प्रहरीले नीपुको श्रीमान रामबाबुलाई नियन्त्रणमा लिएको छ । जिल्ला प्रहरी कार्यालय पर्साका प्रमुख प्रहरी उपरीक्षक सोमेन्द्र सिंह राठौरले मृतक किशोरीको पहिचान भएको र अनुसन्धानका लागि श्रीमानलाई नियन्त्रणमा लिएको पुष्टी गरे । ‘शव पोष्टमार्टमका लागि अस्पताल पठाएका छौं, रिपोर्ट आएपछि थप अनुसन्धान पक्रिया अगाडि बढाउन सहज हुन्छ,’ उनले भने ।

प्रतिक्रिया दिनुहोस्