सरकारले एकजना संक्रमित भेटाउन १ लाख ४ हजार ६ सय ३० रुपैयाँ खर्च गरेको खुलासा

नेपाली जनता

काठमाडौं । सरकारले कोरोनाभारइसको पिसिआर परीक्षणको लागि ३ अर्ब बढी खर्च गरेको बताएको छ। स्वास्थ्य मन्त्रालयका प्रवक्ता डाक्टर जागेश्वर गौतमले हालसम्म पिसिआर परीक्षणको लागि सरकारले ३ अर्ब १८ करोड ९४ लाख ४४ हजार ५ सय रुपैयाँ खर्च गरेको जानकारी दिए।

हालसम्म ५ लाख ७९ हजार ८ सय ९९ जनाको पिसिआर परीक्षण भएको छ। सरकारले एकजनाको पिसिआर परीक्षणका लागि ५ हजार ५ सय रुपैयाँ रकम खर्च गर्दै आएको छ।

अहिलेसम्म गरिएको परीक्षणमा शुक्रबारसम्म ३० हजार ४ सय ८३ जनामा संक्रमण पुष्टि भएको छ।

प्रवक्ता गौतमले एकजना संक्रमित भेटाउन सरकारले १ लाख ४ हजार ६ सय ३० रुपैयाँ खर्च गरेको बताए।

यो पनि पढ्नुहोस  मुख्यमन्त्रीविरुद्धको अविश्वासको प्रस्ताव पेस हुने भएपछि प्रदेशसभाको बैठक बस्दै
५,भाद्र.२०७७,शुक्रबार १७:३८ मा प्रकाशित

प्रतिक्रिया दिनुहोस्

%d bloggers like this: