कुटपिट घटनामा सुष्मा र श्वेताकी बहिनीबीच मिलापत्र, भयो सामाजिक सञ्जालमा माफी माग्ने सहमति

काठमाडौं । दुरव्यवहार र कुटपिटको घटनामा अभिनेत्री सुष्मा कार्की, आरती खड्का र युट्युवर उत्सव रसाइलीबीच मिलापत्र भएको छ । दरबारमार्ग प्रहरीमा दुबै पक्षले मेलमिलापको लिखित सहमति गरेका छन ।

प्रहरीका अनुसार दुबै पक्षले आइन्दा यस्तो काम नगर्ने कागजी व्यहोरामा हस्ताक्षर गरेका छन् । सुष्मालाई थप्पड हानेकी अभिनेत्री श्वेता खड्काकी बहिनी आरतीले माफी मागिन् ।

तीनैजनाले मिडियाबाजी नगर्ने, आफूले ‘लेखाउन लगाएका’ समाचारलाई डिलिट गर्ने र सामाजिक संजालमा माफी सहितको स्टाटस लेख्ने सहमति भएको छ । आफूलाई जातीय गाली गरेको बताएका रसाइलीले त्यसको प्रमाण देखाउन नसकेको प्रहरी स्रोतले बतायो ।

कागजमा हस्ताक्षरपछि प्रहरीकै अगाडि तीनैजनालाई अँगालो हाल्न लगाइएको थियो । तीनैजनाले आइन्दा यस्तो कार्य नगर्ने प्रतिबद्धता व्यक्त गरेको पनि प्रहरीले जनाएको छ । गत सोमबार राती लन्डन पब क्लबमा आफूमाथि कुटपिट गरेको भन्दै सुष्माले आरती खड्का र उत्सव रसाइलीविरुद्ध प्रहरीमा उजुरी दिएकी थिइन् ।

यो पनि पढ्नुहोस  अनमोल र प्रदिप एकसाथ पर्दामा ?
२१,माघ.२०७७,बुधबार १७:२८ मा प्रकाशित

प्रतिक्रिया दिनुहोस्

%d bloggers like this: