२३ किलो गाँजासहित हेटौंडाबाट तीनजना पक्राउ

Anjita Karki
anjita.karki@nepalijanta.com

काठमाडौं । अटोमा लैजाँदै गरेको २३ किलो गाँजासहित हेटौंडाबाट प्रहरीले तीनजनालाई पक्राउ गरेको छ । पक्राउ पर्ने मध्ये दुईजना महिला छन् ।

हेटौंडा उपमहानगरपालिका११ मा बुधबार ना १. ह ९०९९ नम्बरको अटो चेकजाँच गर्नेक्रममा लुकाइछिपाइ ल्याएको अवस्थामा उक्त परिमाणको लागूऔषध गाँजा फेला परेपछि अटोसहित उनीहरुलाई नियन्त्रणमा लिएको जिल्ला प्रहरी कार्यालय मकवानपुरले जनाएको छ ।

पक्राउ पर्नेमा अटोचालक हेटौंडा उपमहानगरपालिका ११ का ४० वर्षीय चतुरमान मोक्तान, अटोमा सवार मकवानपुर राक्सिराङ गाउँपालिका १ की ४७ वर्षीया निर्मला तामाङ र सोही ठाउँकी ४७ वर्षीया माया तामाङ रहेका छन् ।

उनीहरुलाई बिहीबार जिल्ला अदालत मकवानपुरबाट लागूऔषध मुद्दामा म्याद थपको अनुमति लिई आवश्यक अनुसन्धान अगाडि बढाइएको प्रहरीले जनाएको छ ।

यो पनि पढ्नुहोस  माओवादी महाधिवेशन उद्घाटन समारोहमा सबै राजनीतिक दलका नेतृत्वलाई निमन्त्रणा गरिने
२,बैशाख.२०७८,बिहीबार १४:०२ मा प्रकाशित

प्रतिक्रिया दिनुहोस्

%d bloggers like this: