कर्णालीका मुख्यमन्त्री शाहीले बनाएनन् विष्टलाई मन्त्री , दुई मन्त्रीकाे सपथ आज एक बजे

नेपाली जनता

सुर्खेत । बुधबार मात्रै कणरली प्रदेश सरकार हेरफेरमा तीन जना मन्त्री थपेका मुख्यमन्त्री महेन्द्रबहादुर शाहीले दुइ जनालाई निरन्तरता दिएका छन भने एक जनाको मन्त्री पद सपथ नलिँदै खारेज भएको छ ।

मुख्यमन्त्री शाहीले नेकपा माओवादी केन्द्रका सचेतक सीता नेपालीलाई आन्तरिक मामिला तथा कानून र युवा तथा खेलकुद मन्त्री नियुक्त गरेका छन् भने गोपाल शर्मालाई आर्थिक मामिला तथा योजना मन्त्रीमा नियुक्त गरेको प्रदेश प्रमुख कार्यालयका सचिव ठाकुर प्रसाद सिग्देलले जानकारी दिए ।

उनका अनुसार मुख्यमन्त्री शाहीले संविधानको धारा १६८ को उपधारा ९ र धारा १७० को उपधारा १ बमोजिम मन्त्री नियुक्त गरेका हुन् ।

माओवादी र कांग्रेसको भागबण्डासँगै काग्रेसको भागमा अब सामाजिक विकास र उर्जा तथा जलस्रोत मन्त्रालय परेको छ ।

स्रोतका अनुसार मुख्यमन्त्री शाहीले माओवादीका केन्द्रीय नेता जनार्दन शर्मा प्रभाकरको दबाबका कारण दुइ जनालाई मन्त्री नियुक्त गरेका हुन् भने शक्ति बस्नेत निकट रहेका सांसद विन्दमान विष्टलाई निरन्तरता नदिएका हुन् ।

नयाँ दुई मन्त्रीको आज दिउँसो दुई बजे सपथ ग्रहण कार्यक्रम आयोजना गरिएको प्रदेश प्रमुखको कार्यालयले जनाएको छ ।

यो पनि पढ्नुहोस  सेनामा तेह्र करोडको नक्कली सामान खरिद काण्ड ! जर्नेल दीपक भारतीले थाले छानविन
३,जेष्ठ.२०७८,सोमबार ०७:५२ मा प्रकाशित

प्रतिक्रिया दिनुहोस्

%d bloggers like this: