फेसन उद्योगपति बर्नाड आर्नल्ट संसारकै धनी घोषित, फोर्ब्स सूचीमा जेफ बेजोसलाई पनि उछिने

नेपाली जनता

एजेन्सी । विश्वकै सर्वाधिक धनीहरुको सूचीमा अमेरिकाको दबदबा यसपटक तोडिएको छ । यसपटक युरोपेली फेसन टाइकुन बनार्ड आर्नल्ट विश्वकै सर्वाधिक धनी व्यक्ति सूचीकृत भएका छन् ।

प्रतिष्ठित फोर्ब्स म्यागजिनले आज साँझ वर्ष २०२१ का संसारका धनी व्यक्तिहरुको सूची सार्वजनिक गरेको छ । फ्रेन्च फेसन ब्रान्ड लुइस भ्यूटनका मालिक आर्नल्टले अमेजन मालिक जेफ बेजोसलाई समेत उछिन्दै सर्वाधिक धनी व्यक्ति दरिएका हुन् ।

फोब्र्सका अनुसार आर्नल्टको कूल सम्पत्ति १८६.३ बिलियन डलर छ । यो बेजोसको भन्दा ३०० मिलियन डलरले बढी हो । बेजोससँग १८६ बिलियन डलर सम्पत्ति छ । टेस्ला र स्पेस–एक्स कम्पनीका मालिक इलोन मस्क १४७.३ बिलियन डलरसहित तेस्रो स्थानमा छन् ।

गत मार्च २०२० मा आर्नल्टको सम्पत्ति ७६ बिलियन डलरले बढेर सोमबार बेलुका १८६.३ बिलियन डलर पुगेको हो । बितेको १४ महिनामै ११० बिलियन डलरले उनको सम्पत्ति बढेको हो । कोरोनाभाइरस महामारीमा पनि उनको कम्पनी लुइस भ्यूटनले राम्रो कमाइ गर्न सक्यो ।

यो पनि पढ्नुहोस  आजको राशीफल
११,जेष्ठ.२०७८,मंगलवार ०५:५८ मा प्रकाशित

प्रतिक्रिया दिनुहोस्

%d bloggers like this: