२०८२ फागुन २५ गते सोमबार: आजको राशिफलराउटे युवतीमाथि दुर्व्यवहार : दोषीलाई हदैसम्मको कारबाही गर्न गुराँस गाउँपालिकाको माग
वि.सं.२०७८ जेठ २३ आइतवार १५:१८
5.58K
shares
shares
सुर्खेत । दैलेखको गुराँस गाउँपालिकाले राउटे समुदायका दुई युवतीहरूमाथि भएको यौन दुर्व्यवहारको घोर भर्त्सना गरेको छ ।
गाउँपालिकाले राउटे समुदायलाई परिचयपत्र उपलब्ध गराइ संरक्षण समेत गर्दै आइरहेको छ । आइतबार विज्ञप्ति जारी गर्दै गाउँपालिकाले घटनामा संलग्न दोषीलाई वास्तविकता छानबिन गरी हदैसम्मको कारबाही गर्न माग गरेको हो ।
फिरन्ते जीवन बिताइरहेका राउटे समुदायका युवतीसँग एक होटलको बन्द कोठामा अश्लील क्रियाकलाप गरेको भिडियो सामाजिक सञ्जालमा सार्वजनिक भइरहेकोप्रति गाउँपालिकाको गम्भीर ध्यानाकर्षण भएको छ, गाउँपालिकाका अध्यक्ष खेमराज वलीद्वारा हस्ताक्षरित विज्ञप्तिमा भनिएको छ ।
घटनामा संलग्न होटल सञ्चालक गुर्भाकोट नगरपालिकाका विनोद पुन, चमन घर्ती जोगी र भुपेन्द्र बुढामाथि तत्काल अनुसन्धान गरी हदैसम्मको कारबाही गर्न माग गरिएको छ ।
