भारतमा दैनिक संक्रमण एक लाख भन्दा कम , एकैदिन ३४ सयले गुमाए ज्यान

दिल्ली । पछिल्लो २४ घण्टामा कोरोनाभाइरस संक्रमणका कारण भारतमा ३ हजार ४०३ जनाले ज्यान गुमाएका छन् । यहाँ ९१ हजार ७०२ जना नयाँ संक्रमित थपिएका छन् भने १ लाख ३४ हजार ५८० जना डिस्चार्ज भएको स्वास्थ्य मन्त्रालयले जनाएको छ ।

भारतमा लामो समयपछि दैनिक संक्रमितको संख्या एक लाखभन्दा कम भएको तथ्यांकमा देखिएको छ । तर मृत्यु हुनेको संख्यामा भने कमी नआएको मन्त्रालयले जनाएको छ ।

यहाँ अहिलेसम्म कुल २ करोड ९२ लाख भन्दा बढी संक्रमित रहेका छन् भने २ करोड ७७ लाख भन्दा बढी संक्रमणममुक्त भएका छन् ।

हाल भारतमा ११ लाख २१ हजार ६७१ जना संक्रिय संक्रमित रहेका छन् भने ३ लाख ६३ हजार ०७९ जनाले ज्यान गुमाइसकेको मन्त्रालयले जनाएको छ ।

२८,जेष्ठ.२०७८,शुक्रबार १३:४२ मा प्रकाशित

प्रतिक्रिया दिनुहोस्