गण्डकी प्रदेशको नीति तथा कार्यक्रम बहुमतले पारित

काठमाडौं । गण्डकी प्रदेशको आगामी आर्थिक वर्ष २०७८/७९ का लागि सरकारले प्रदेशसभामा पेश गरेको नीति तथा कार्यक्रम बहुमतले पारित भएको छ । प्रदेश प्रमुख सिताकुमारी पौडेलले प्रदेशसभामा पेश गरेकी नीति तथा कार्यक्रम मंगलबार बहुमतले पारित भएको हो । नीति तथा कार्यक्रम पारित भएपछि आजै प्रदेशको बजेट सार्वजनिक हुँदैछ ।

नीति तथा कार्यक्रम दुई दिनसम्म छलफल भएको थियो । मंगलबारनीति तथा कार्यक्रममाथिको छलफलमा उठेका विभिन्न विषयमा मुख्यमन्त्री कृष्णचन्द्र नेपाली पोखरेलले जवाफ दिएका थिए ।

पोखरेलले जवाफमा प्रदेशका नागरिकको जीवनरक्षा नै पहिलो प्राथमिकता भएको बताउँदै बजेटमा अन्य पुरानै योजनालई निरन्तरता दिने बताए । मुख्यमन्त्री नेपालीको जवाफपछि सभामुख नेत्रनाथ अधिकारीले नीति कार्यक्र पारितका लागि निर्णयार्थ प्रस्तुत गरेका थिए ।