पर्वतमा खोलाले गाडी बगायो, इञ्जिनियरसहित ३ जना बेपत्ता

नेपाली जनता

कुश्मा । पर्वतको कुश्मा नगरपालिका–८ मा पर्ने सुन्दरे खोलाले गाडी बगाउँदा तीन जना बेपत्ता भएका छन्।

गए रातिको भीषण वर्षाले बढेको खोला तर्ने क्रममा मध्यपहाडी लोकमार्गको पर्वत खण्ड निर्माण कम्पनी लामा कन्स्ट्रक्सनको गाडी र त्यसमा सवार तीन जना बेपत्ता भएका हुन्।

बेपत्ता हुनेमा कन्स्ट्रक्सनका साइट इन्चार्ज इञ्जीनियर राजाराम आचार्य र गाडी चालक इन्द्र थारु छन्।

अर्का एक जनाको नाम खुल्न नसकेको प्रहरी निरीक्षक राजेन्द्र अधिकारीले बताए।

प्रहरीले राति १२ बजेदेखि नै खोजी गरिरहे पनि अवस्था पत्ता लाग्न सकेको छैन। अहिले पनि सुन्दरेखोला र मोदीखोलामा खोजी भइरहेको प्रहरी निरीक्षक अधिकारीले बताए।

बाढीले तीन वटा घर पनि बगाएको छ। खोला किनारमा रहेका घर बाढीले बगाए पनि घरभित्रका मानिस घर छोडेर भागेपछि बाँच्न सफल भएको प्रहरीले जनाएको छ।

यो पनि पढ्नुहोस  भारतीय माओबादी र प्रहरी बीच झडपमा १ प्रहरी सहित १० माओबादी ज्यान गयो
२३,असार.२०७८,बुधबार ०८:०२ मा प्रकाशित

प्रतिक्रिया दिनुहोस्

%d bloggers like this: