गण्डकीमा अस्वीकार गरेका मन्त्रीको जिम्मेवारी लिन मन्त्री आचार्य र मनाङे सहमत

नेपाली जनता

पोखरा । गण्डकी प्रदेशका मुख्यमन्त्री कृष्णचन्द्र नेपाली पोखरेलले आइतबार बजेटमाथिको छलफलअघि मन्त्रिपरिषद विस्तार गर्ने भएका छन् ।

सत्ता साझेदार जनता समाजवादी पार्टीका हरिशरण आचार्य र स्वतन्त्र सांसद राजीव गुरुङ (दीपक मनाङे)ले आइतबार पहिले अस्वीकार गरेको मन्त्रालयकै जिम्मेवारी सम्हाल्ने भएका छन् । आचार्यले ऊर्जा, जलस्रोत तथा सिँचाइ र मनाङेलाई युवा तथा खेलकुद मन्त्रालयको जिम्मेवारी सम्हाल्ने भएका हुन् ।

मुख्यमन्त्री पोखरेलले सुरुमै यही मन्त्रालय तोके पनि उनीहरुले अस्वीकार गरेका थिए । अर्थ मन्त्रालय दाबी गरिरहेका आचार्यले भनेको मन्त्रालय नपाएको बताए पनि भित्री रुपमा जसपाका दुबै सांसदलाई मन्त्री बनाउनुपर्ने माग गरिरहेका थिए भने मनाङेले भौतिक पूर्वाधार मन्त्रालय चाहिने भन्दै अस्वीकार गरेका थिए ।

मुख्यमन्त्री पोखरेलले विश्वासको मत लिनुअघि लिखित सम्झौता गरेर पनि कार्यान्वयन नगरेको कांग्रेससँग बजेट छलफल पहिले यसअघि अस्वीकार गरेको मन्त्रालयकै जिम्मेवारी लिने सहमति भएको जसपाका आचार्यले बताए । ‘पहिले कांग्रेसमाथि शंकाहरु थिए । त्यसैले लिखित सम्झौता गर्यौं । पछि मन्त्रालय पनि अस्वीकार गर्यौं अब त्यो शंका दूर गर्ने प्रतिवद्धता जनाएपछि जिम्मेवारी सम्हाल्ने भएका छौं,’ आचार्यले भने, ‘जसपाको दुबै जना मन्त्री हुने लगायत अन्य कुरामा पनि मौखिक सहमति भएको छ ।’

जनता समाजवादी पार्टीसँग नजिक बनेका मन्त्री मनाङले पनि भौतिक पूर्वाधार माग गरे पनि समाजवादीकी सांसद धनमाया लामा पोखरेललाई पनि तुरुन्तै मन्त्री बनाउनुपर्ने माग राख्दै आएका थिए । गठबन्धनको किचलोले बजेट पारित गर्नै समस्या हुने बाहिर चर्चा भइरहेका बेला दुबै मन्त्रीलाई जिम्मेवारीमा पठाउन कांग्रेसले सहमत गराएको हो ।

मन्त्रीको जिम्मेवारी बाँडफाँट सकेपछि संसदमा बजेट छलफल हुने र पारितपछि मन्त्रिपरिषद बिस्तार हुने मुख्यमन्त्री नेपालीले बताएका छन् ।

यो पनि पढ्नुहोस  "काँधमा कुम्लो, मनमा आक्रोशको ज्वाला", पैदलयात्री भन्छन, "मन सारै रोएको छ"
२७,असार.२०७८,आईतवार ०८:०२ मा प्रकाशित

प्रतिक्रिया दिनुहोस्

%d bloggers like this: