प्रधानमन्त्रीको आह्वान, नेपालको वंशज जनावर पाटे बाघलाई बंगाल टाइगर नभनौं

काठमाडौं । प्रधानमन्त्री केपी शर्मा ओलीले पाटे बाघलाई बंगाल टाइगर नभन्न र बंगाल टाइगरको स्थानमा पाटे बाघ चलाउन बाघ सम्बन्ध निकायहरुलाई निर्देशन दिएका छन् ।

राष्ट्रिय बाघ संरक्षण समितिको बैठकलाई सम्बोधन गर्दै प्रधानमन्त्री ओलीले भने–पाटे बाघसँग हामीले जीवन यापन गरेका छौं । शताब्दियौं देखि हामीले जोगाएका छौं । हाम्रै पाल्तु जनावर खाएको छ । बंगाल टाइगर कसरी हुन्छ रु पाटे बाघ भनौं । यो नेपालको वंशज जनावर हो ।

पाटेबाघ लोप हुनु पुर्व नै विश्वको चासो बाघ संरक्षणमा गएको उल्लेख गर्दै प्रधानमभत्रीले सेन्ट पिटर्सवर्ग सम्मेलनले तय गरे जस्तै दुई गुना गर्ने निर्णय पनि नेपालले पुरा गरेको बताए ।

सन् २०२२ मा हुने बाघ सम्मेलनमा मुक दर्शक वा अनुयायी मात्रै नभएर आफनो दृष्टिकोण दिनुपर्ने धारणा पनि प्रधानमन्त्रीको थियो ।

बैठकले बाघ संरक्षणमा नेपालले गरेका प्रयास र उपलव्धिको वारेमा छलफल गर्दे आगामी दिन बाघ संरक्षणको लागि बाघ संरक्षण विशेष कार्यक्रमलाई पुनः निरन्तरता दिई थप स्रोत जुटाउने, मानव वन्यजन्तु द्वन्द्व न्यूनीकरण गर्न वन्यजन्तु अस्पताल तथा उद्धार केन्द्र स्थापना तथा सञ्चालन गर्न, बाघको दीर्घकालीन संरक्षण गर्न वासस्थानको विस्तार गर्न आवश्यक तयारी गर्ने, वन्यजन्तु मैत्री भौतिक पूर्वाधार निर्माणसम्बन्धी निर्देशिका, वन्यजन्तुबाट हुने क्षतिको राहत सहयोग निर्देशिका, २०६९ लाई संशोधन गरी सवै डिभिजन वन कार्यालय मार्फत ७७ वटै जिल्लाहरुबाट राहत वितरण गर्र्ने लगायतका निर्णयहरु गरेको छ ।

आगामी साउन १४ गते बाघ संरक्षणलाई विशेष जोड दिन प्रधानमन्त्री बाघसम्मेलन कार्यक्रमको समेत आयोजना गर्ने निर्णय गरेको छ ।

२७,असार.२०७८,आईतवार १२:३० मा प्रकाशित

प्रतिक्रिया दिनुहोस्