
काठमाडाै । नेकपा एमालेको केन्द्रीय कमिटी बैठक भोलि फेरि बस्ने गरी सकिएको छ।
ललितपुरको च्यासलस्थित तुलसीलाल स्मृति प्रतिष्ठानमा दुई दिनदेखि जारी बैठकमा पार्टीमा उत्पन्न समस्या समाधानको निम्ति गठित कार्यदलका संयोजक सुवास नेम्वाङले पार्टी एकताका निम्ति गरिएका प्रयासबारे जानकारी दिएको प्रवक्ता प्रदीप ज्ञवालीले जानकारी दिए। बैठकले १० बुँदे प्रस्तावलाई सिर्जनात्मक ढंगबाट कार्यान्वयन गर्ने उनले जानकारी दिए। यद्यपि कार्यदल भने विघटन भइसकेको छ।
यस्तै बैठकमा प्रदेश कमिटी अध्यक्षले पेश गरेको रिपोर्टबारे जानकारी लिएको पनि उनले बताए।
यसैगरी भूमिसम्बन्धी समस्या समाधान आयोगका अध्यक्ष देवी ज्ञवालीले आयोगले अहिलेसम्म के काम गरेको छ भन्नेबारे जानकारी गराएको उनले बताए।
बैठकले भोलि पर्ने इस्लाम धर्मावलम्बीहरूलाई पार्टीको तर्फबाट शुभकामना दिइएको उनले जानकारी दिए।
बैठक भोलि फेरि ३ बजे बस्नेछ।
प्रतिक्रिया दिनुहोस्