अध्यादेश जारी भएलगत्तै अर्याल होटेलमा माधव समुहको निर्णायक बैठक शूरु, पार्टी विभाजनको निर्णय

काठमाडौं । राष्ट्रपतिले दल विभाजनसम्बन्धी अध्यादेश जारी गरेसँगै नेकपा एमालेका वरिष्ठ नेता माधवकुमार नेपाल समूह छलफलमा जुटेको छ । आजै माधव नेपाल समुहले एमाले आधिकारीक रुपमा विभाजन गराउने भएको छ ।

नयाँ दल दर्ता लागि सबै तयारी पूरा गरेको नेपाल समूह बानेश्वरस्थित अर्याल होटेलमा निर्णायक बैठकका लागि भेला भएका छन् ।

बैठकमा पार्टी विभाजनका लागि तयार भएका केन्द्रीय सदस्य र सांसदहरू उपस्थित छन् । राष्ट्रपतिबाट अध्यादेश जारी हुनेबित्तिकै माधव नेपाल बैठक स्थलमा आएका छन् । उनी आएसँगै बैठक शुरू भएको छ ।

बैठकपछि नयाँ दल दर्ताका लागि निर्वाचन आयोगमा जाने नेपाल समूहको तयारी छ । एक नेताका अनुसार पार्टीको केही नाममध्ये प्राथमिकतामा नेकपा एमाले (समाजवादी) राखिएको छ । चुनाव चिन्ह भने कलम, हँसिया हथौडा वा कुनै रूपमा सूर्यको विकल्पमा छलफल भइरहेको छ ।