एमालेद्वारा दोस्रो दिन पनि प्रदेशसभा बैठक अवरुद्ध

रुपन्देही । प्रमुख प्रतिपक्षी दल नेकपा एमालेले लुम्बिनी प्रदेशसभाको बैठक बुधबार दोस्रो दिन पनि अवरुद्ध बनाएको छ । बैठक सुरु हुनासाथ एमालेका सांसदहरुले होहल्ला गर्दै बैठकमा अवरोध सुरु गरेका थिए । एमालेले निरन्तर अवरोध गरिरहेपछि बैठक बिहीबार दिउँसो १ बजेसम्मका लागि स्थगित भएको छ ।

एमालेले सांसदहरु अजय शाही र विमला खत्रीलाई पदमुक्त नगरिएसम्म संसद चल्न नदिने अडान लिँदै आएको छ । मंगलबार अधिवेशनको पहिलो दिन पनि एमालेकै अवरोधका कारण जम्मा ६ मिनेट बैठक बसेर स्थगित भएको थियो ।

यता प्रदेश सभाका सचिव दुर्लभ पुन मगरले एमालेले कारबाही गरेका सांसदको विषयमा आएका कागजपत्रका विषयमा अन्य जानकारी पनि आएकाले यसबारे छलफल गरेर अघि बढ्ने बताए ।

आज बैठकमा मुख्यमन्त्री कुलप्रसाद केसी सम्बोधन गर्ने कार्यसूची रहेको थियो । एमालेले सूर्य चिन्ह लिएर चुनाव लडेका अजयबहादुर शाही र उपनिर्वाचनमा दाङबाट नेकपाबाट विजेता विमला वलीलाई कारवाही गरेको पत्र सभामुख पूर्णबहादुर घर्तीलाई बुझाएको थियो । पत्रअनुसार उनीहरुलाई पदमुक्त गनुपर्ने माग एमालेको रहेको प्रमुख सचेतक भूमिश्वर ढकालले बताए ।

यो पनि पढ्नुहोस  वैदेशिक रोजगार अब अनलाइन प्रणालीमा
२,भाद्र.२०७८,बुधबार १५:२४ मा प्रकाशित

प्रतिक्रिया दिनुहोस्

%d bloggers like this: