‘नेपाल आइडल सिजन–४’को डिजिटल अडिसन सुरु

काठमाडौं । चर्चित सांगीतिक रियालिटी शो ‘नेपाल आइडल सिजन–४’ को डिजिटल अडिसन अहिले धमाधम भइरहेको छ । मंगलबाट सुरु भएको अडिसन ३१ भदौसम्म चल्ने आयोजकले जनाएको छ ।

अडिसन मोबाइल फोनको ‘प्ले स्टोर’ मा गएर एपीवानको एप्लिकेसन डाउनलोड गरेर गर्न सकिनेछ । अडिसनका लागि आफ्नो स्वरमा दुईवटा फरक विधाका गीत रेकर्ड गरेर अपलोड गर्नुपर्ने निर्माण पक्षले जनाएको छ ।

डिजिटल अडिसनमा पास भएकाहरुले मात्र फिजिकल अडिसनमा सहभागी हुन पाउनेछन् । डिजिटल अडिसनमा देश तथा विदेशमा रहेका नेपालीले सहभागी हुन पाउनेछन् ।

विगत ३ सिजनका निर्णायक अहिले परिवर्तन हुने भएका छन् । त्यसैले यो सिजनमा को को निर्णायक रहने अहिले निश्चित भइसकेको छैन ।

यो पनि पढ्नुहोस  साठी करोडको सरकारी जग्गा खान चलखेल: सर्बोच्च अदालतमा भूमाफियाको सेटिङ
३,भाद्र.२०७८,बिहीबार १७:०३ मा प्रकाशित

प्रतिक्रिया दिनुहोस्

%d bloggers like this: