वसन्तपुर क्षेत्रमा काठमाडौं प्रशासनको अनुगमन

काठमाडौं । काठमाडौं जिल्ला प्रशासन कार्यालयले कोरोनाबाट बच्नका लागि जारी गरिएको स्वास्थ्य सुरक्षा मापदण्डको पूर्ण पालना गर्न व्यापारीहरूलाई पुनः सचेत गराएको छ । आइतबार सहायक प्रमुख जिल्ला अधिकारी दिपक पौडेलले नेतृत्वको अनुगमन टोलीले न्युरोड, बसन्तपुर, सुन्धारा लगायतका बजार क्षेत्रको अनुगमन गरी कोरोनाबाट बच्न जारी गरिएको स्वास्थ्य सुरक्षा मापदण्डको पूर्ण पालना गर्न त्यहाँका व्यापारीहरूलाई सचेत गराएको हो ।

त्यसक्रममा मास्क समेत नलगाएका व्यापारी र सर्वसाधारण गरी ६८ जनालाई एकसय रुपैयाँका दरले जरिवाना समेत गरिएको सहायक प्रमुख जिल्ला अधिकारी पौडेलले जानकारी दिए । काठमाडौं जिल्ला प्रशासन कार्यालयले आफ्ना पसलमा आउने ग्राहकहरूका लागि अनिवार्य रुपमा मास्क र सेनिटाइजरको व्यवस्था गर्न पनि व्यापारीहरूलाई निर्देशन दिएको छ ।

सहायक प्रमुख जिल्ला अधिकारी पौडेलले भने, ‘स्वास्थ्य सुरक्षा मापदण्डको पालना नगरी नबस्न व्यापारीहरूलाई निर्देशन दिएका छौं । र आफ्नो पसलमा आउने ग्राहकहरुलाई समेत सेनिटाइजर र अनिवार्य रुपमा मास्क लगाएर मात्रै पसलमा प्रवेश गर्न दिनुहोला भनेर निर्देशन दियौँ । यसै सन्दर्भमा हामीले मास्क नलगाएका ६८ जना व्यक्तिहरुलाई एक सयका दरले जरिवाना ग¥यौ र मास्क नलगाई हिँडिरहेका सर्वसाधारणलाई सम्झाई बुझाई मास्क लगाउन अनुरोध गरी ७५ जनालाई निःशुल्क मास्कको पनि व्यवस्था गरेका छौं ।’

काठमाडौं जिल्ला प्रशासन कार्यालयले कोरोनाबाट नागरिकलाई बचाउनका स्वास्थ्य सुरक्षा मापदण्डको पालना भए/नभएको अनुगमन गर्न प्रत्येक दिन बिराएर सहायक प्रमुख जिल्ला अधिकारीको नेतृत्वमा बजारको अनुगमनको व्यवस्था मिलाएको छ ।

यो पनि पढ्नुहोस  जनताका  सरकारी काम स्थानीय तहमै हुने हुँदा जनप्रतिनिधिले  मात्र राजधानी जानुपर्ने, के–के काम गर्न जनता प्रदेश राजधानी जानुपर्छ ?
६,भाद्र.२०७८,आईतवार २१:४४ मा प्रकाशित

प्रतिक्रिया दिनुहोस्

%d bloggers like this: