बाँकेमा थप दुई जना कोरोना संक्रमित महिलाको मृत्यु

काठमाडौं । बाँकेमा कोरोना संक्रमणबाट थप दुई जनाको मृत्यु भएको छ ।

बाँकेका कोरोना फोकल पर्सन तेज ओलीका अनुसार कैलाली र बर्दियाका दुई जना संक्रमित महिलाको उपचारको क्रममा भेरी अस्पतालमा मृत्यु भएको हो ।

कैलालीको भजनी नगरपालिका ५ की ५२ वर्षीया महिलाको उपचारको क्रममा सोमबार राति १० बजे मृत्यु भएको हो । उनीमा सोमबार मात्रै संक्रमण पुष्टि भएको थियो ।

यस्तै बर्दियाको मधुवन नगरपालिका ४ की ७० वर्षीया महिलाको उपचारको क्रममा भेरी अस्तपालमा मंगलबार बिहान ९ः३० बजे मृत्यु भएको उनले बताए । उनीमा भदौ २ गते संक्रमण पुष्टि भएकोमा थियो ।