नेपाल मेडिकल काउन्सिलको निर्वाचन आगामी मंसिरमा

काठमाडौं । नेपाल मेडिकल काउन्सिलको निर्वाचन आगामी मंसिरमा हुने भएको छ । काउन्सिलले सोमबार कार्यतालिका सार्वजनिक गर्दै निर्वाचन दुई चरणमा हुने जानकारी दिएको हो । काउन्सिलद्वारा जारी सूचना अनुसार पहिलो चरणमा उपत्यका बाहिर र दोस्रो चरणमा काठमाडौं उपत्यकामा निर्वाचन हुनेछ ।

कार्यतालिका अनुसार उपत्यकाबाहिर मंसिर ३ र ४ गते निर्वाचन हुनेछ भने काठमाडौं उपत्यकामा १० र ११ गते हुनेछ । निर्वाचनका लागि असोज २२ गते मतदाता नामावली प्रकाशन हुनेछ भने असोज २४ गते मतदाता नामावलीमा दाबी विरोध गर्ने समय तोकिएको छ ।

यस्तै, मतदाता नामावली प्रकाशन भने असोज २५ गते हुनेछ । उम्मेदवारीका लागि मनोनयन पत्र दाखिला गर्ने समय कात्तिक १ र २ गतेलाई तोकिएको छ । कात्तिक ३ गते उम्मेदवारीमा दावी विरोध गर्न पाइनेछ । ४ गते उम्मेदवारी फिर्ता लिन पाइनेछ भने अन्तिम नामावली प्रकाशन गर्ने मिति मंसिर ५ गतेलाई तोकिएको छ ।

यो पनि पढ्नुहोस  जोरपाटीबाट २० जना जुवाडेलाई रंगेहात पक्राउ
११,आश्विन.२०७८,सोमबार १८:०४ मा प्रकाशित

प्रतिक्रिया दिनुहोस्

%d bloggers like this: