तास खेलिरहेको अवस्थामा भक्तपुरबाट ४ जना र धुलिखेलबाट ११ जना पक्राउ

काठमाडौं । काभ्रे प्रहरीले तास खेलिरहेको अवस्थामा ११ जनालाई नियन्त्रणमा लिएको छ । धुलिखेल नगरपालिका ९ रानाछापस्थित होटलमा तास खेलिरहेका ११ जनालाई प्रहरीले पक्राउ गरेको हो । पक्राउ पर्नेमा सिन्धुपाल्चोक चौतारा साँगाचोकगढी नगरपालिका–१२ बस्ने ४१ वर्षीय कुमार गिरी लगायत रहेका छन् ।

अस्थायी प्रहरी पोष्ट काभ्रे भन्ज्याङ र जिल्ला प्रहरी कार्यालय काभ्रेबाट खटिएको प्रहरी टोलीले उनीहरुलाई नगद ९५ हजार रुपैयाँ र ३ बुक ताससहित शुक्रबार राती पक्राउ गरेको हो ।

त्यस्तै भक्तपुरमा पनि तास खेलिरहेको अवस्थामा ४ जना पक्राउ परेका छन् । चाँगुनारायण नगरपालिका–४ खोरियागाउँ बस्ने सुमन तामाङको घरमा तास खेलिरहेको अवस्थामा ४ जना पक्राउ परेका हुन् । पक्राउ परेकाहरूमाथि कानुनी कारवाही हुने प्रहरीले जनाएको छ ।