नेपाल पर्यटन बोर्डका अनुसार सेप्टेम्बर २०२१ मा करीब १० हजार पर्यटक नेपाल भ्रमणका लागी नेपाल भित्रिए

Ashish Gautam

काठमाडौं । एक महिनाको अवधिमा करीब १० हजार पर्यटक नेपाल भ्रमणमा आएका छन् । नेपाल पर्यटन बोर्डका अनुसार सेप्टेम्बर २०२१ मा ९ हजार ८ सय ९८ जना पर्यटक नेपाल भ्रमणमा आएका हुन् ।

सन् २०१९ को सेप्टेम्बरका ९२ हजार ६ सय ४ जना पर्यटक नेपाल आएका थिए । गत वर्ष २०२० मा भने यो महिनामा मात्र ५८४ जना मात्र पर्यटक आएका थिए । नेपाल पर्यटन बोर्डका अनुसार अप्रिलपछि घटेको पर्यटक आगमन ५ महिनापछि केही सुधारिएको हो । अगस्ट महिनामा ५ हजार ९ सय १७ जना पर्यटक आएको बोर्डको तथयांकमा उल्लेख छ ।

नेपाल आएका विदेशीमध्ये सबैभन्दा बढी भारतीय छन् । भारतबाट एक महिनामा ३ हजार ५२३ जना पर्यटक नेपाल आएका छन् । अमेरिकाबाट १ हजार ८६४, बेलायतबाट ४३८ र चीनबाट २३३ जना पर्यटक नेपाल आएका छन् ।

एक महिनाको अवधिमा सार्क मुलुकबाट ३ हजार ७३४, सार्कबाहेक एसियाली मुलुकबाट ५८५, यूरोपबाट १ हजार ७३३, अष्ट्रेलिया–न्यूजिल्याण्डबाट ८१, अमेरिकी महादेशबाट २ हजार १२५ र अन्य क्षेत्रबाट १ हजार ६४० जना पर्यटक नेपाल आएको बोर्डले जनाएको छ

यो पनि पढ्नुहोस  न्यूजिल्याण्डमा कसरी मरे १४५ ह्वेल ?
१७,आश्विन.२०७८,आईतवार १७:४० मा प्रकाशित

प्रतिक्रिया दिनुहोस्

%d bloggers like this: