एमालेको दोस्रो दिनको स्थायी कमिटी बैठक सुरू

काठमाडौं । हिजोदेखि जारी नेकपा (एमाले) को स्थायी कमिटीको दोस्रो दिनको बैठक सुरू भएको छ । च्यासलस्थित तुल्सीलाल स्मृति प्रतिष्ठानमा बैठक जारी छ ।

हिजोको बैठकले एमालेको १० औं महाधिवेशन स्थल तोक्दै रामबहादुर थापाको नेतृत्वमा मुल व्यवस्थापन कमिटी गठन गरेको थियो । आजको बैठकमा १० बुँदेलाई लिएर अध्यक्ष केपी शर्मा ओलीले गरेको टिप्पणीपछि सिर्जना भएको विवादमाथि छलफल हुने बताइएको छ ।

अध्यक्षको टिप्पणीमा ‘१० भाइ नेता’ हरू असन्तुष्ट बनेपछि यसबारे त्यसको कार्यन्वयन सहजीकरण गर्न बनाइएको कार्यदलमा छलफल भएको थियो । उक्त कार्यदलले आजको बैठकमा सुझाव पेस गर्ने प्रवक्ता प्रदीप ज्ञवालीले जानकारी दिएका थिए ।