आइतबारदेखि बालबालिकालाई देशका २४ अस्पतालबाट फाइजर खोप लगाइँदै

काठमाडौं । आइतबारदेखि बालबालिकालाई लगाइने कोभिडविद्धको फाइजर खोप मुलुकको २४ वटा खोप केन्द्रबाट खोप लगाइने भएको छ । काठमाडौं उपत्यकाभित्र ८ र बाहिर १६ वटा खोपकेन्द्र तोकिएको छ ।

काठमाडौंमा वीर अस्पताल, त्रिवि शिक्षण अस्पताल, निजामती सेवा अस्पताल, सहिद गंगालाल हृदय केन्द्र, भक्तपुर क्यान्सर अस्पताल, पाटन अस्पताल, सहिद धर्मभक्त राष्ट्रिय प्रत्यारोपण केन्द्र, वीरेन्द्र सैनिक अस्पतालमा खोप केन्द्र तोकिएको छ ।

उपत्यका बाहिर उपत्यका बाहिर, मेची अस्पताल, बिपी कोइराला स्वास्थ्य विज्ञान प्रतिष्ठान, जनकपुर अस्पताल, बिपी कोइराला मेमोरियल क्यान्सर अस्पताल, गण्डकी स्वास्थ्य विज्ञान प्रतिष्ठान, लुम्बिनी प्रादेशिक अस्पताल, भेरी अस्पताल, डडेल्धुरा अस्पताल, कोशी अस्पताल, गजेन्द्र नारायण सिंह स्वास्थ्य विज्ञान प्रतिष्ठान, नारायणी अस्पताल, धुलिखेल अस्पताल, धवलागिरी अस्पताल, राप्ती स्वास्थ्य विज्ञान प्रतिष्ठान, कर्णाली प्रादेशिक अस्पताल, सेती अस्पतालमा खोपकेन्द्र तोकिएको छ ।

फाइजर खोप १२ वर्ष उमेरभन्दा माथिका दीर्घ रोगीलाई लगाइने छ। यो खोप मंसिर ४ गतेसम्म लगाइनेछ । मन्त्रालयका अनुसार मुटुको शल्यक्रिया गराएका वा औषधि सेवन गरिरहेका, मिर्गौला प्रत्यारोपण गराएका, डायलाइसिस गराइरहेका, जनुसुकै प्रकारको क्यान्सरको उपचार गराइरहेका, फोक्सोसम्बन्धी रोग, अङ्ग प्रत्यारोपण गरेका, उच्च रक्तचाप, मधुमेह भई उपचार गराइरहेकालाई फाइजर खोप दिइने छ ।