प्रहरी वृत्त बानेश्वरमा आगजनी गर्ने युवक पक्राउभ्रष्टाचार मुद्दामा बंगलादेशका पूर्वप्रधानन्यायाधीशलाई ११ वर्ष जेल सजायको फैसला
वि.सं.२०७८ कात्तिक २५ बिहीवार १३:२७
3.69K
shares
shares
ढाका । भ्रष्टाचार मुद्दामा बंगलादेशका पूर्वप्रधानन्यायाधीशलाई ११ वर्षको जेल सजाइ सुनाइएको छ । प्रतिपक्षी दल र उनका समर्थकले चाहिँ यो फैसलालाई राजनीति प्रेरित भएको आरोप लगाएका छन् ।
राजधानी ढाकाको अदालतले ७० वर्षिय पूर्वप्रधानन्यायाधीश सुरेन्द्रकुमार सिन्हाविरुद्ध यस्तो फैसला सुनाएको हो । उनले एक निजी बैंकसँग मिलेर ४ लाख ७१ हजार अमेरिकी डलर अपचलन गरेको अदालतले जनाएको छ ।
सन् २०१७ मा उनले संसदले न्यायाधीशलाई बर्खास्त गर्न नसक्ने फैसला गरेका थिए । यो फैसलालाई कानून व्यवसायीले न्यायालयको संरक्षण गर्ने भन्दै यसको प्रशंसा गरेका थिए ।
उक्त फैसलापछि उनलाई राजीनामा दिन बाध्य तुल्याइएको थियो । त्यसपछि उनी देश छाडेर अमेरिकामा आप्रवासी जीवन बिताउन थालेका थिए । अभियानकर्ताले जेल सजायको यो फैसलाले अदालतको विश्वसनियतामा प्रश्नचिन्ह खडा गरेको बताएका छन् ।
१६९ मिलियन जनसंख्या भएको मुस्लिम बहुल मुलुक बंगलादेशमा सिन्हा पहिलो हिन्दू प्रधानन्यायाधीश हुन् ।
