‘जनमत माटो यात्रा’ का लागि लुम्बिनी हिँडे सीके राउत

नेपाली जनता

जनकपुरधाम । ‘जनमत माटो यात्रा’का लागि जनमत पार्टीका राष्ट्रिय अध्यक्ष डा. सीके राउत आज लुम्बिनीतर्फ लागेका छन् ।

जनकपुरस्थित पार्टी सचिवालयमा आज यात्रा सफलताको शुभकामना दिँदै नेता कार्यकर्ताले अध्यक्ष डा. राउतलाई बिदाई गरे । पर्साको पोखरीमा सभालाई सम्बोधन गरेर लुम्बिनी जाने उनको योजना छ ।

मंसीर १० गते डा. राउतको नेतृत्वमा उक्त अभियान निस्कने जनमत पार्टीका नेता सञ्जय यादवले जानकारी दिए । उनका अनुसार यात्रा सुरू गर्नुअघि डा. राउत लुम्बिनीको मायादेवी मन्दिरमा विश्व शान्तिको कामना गर्नेछन् ।

मधेशका २० जिल्लाका सबै स्थानीय तहको माटो संकलन गरेर ‘मधेश एकता उद्यान’ निर्माण गर्ने निर्णय जनमत पार्टीले गरेको थियो ।

यो पनि पढ्नुहोस  महिलाहरुलाई फिस्टुला र क्यान्सर परीक्षण सेवा निशुल्क दिने सरकारको घोसणा
८,मंसिर.२०७८,बुधबार १७:०० मा प्रकाशित

प्रतिक्रिया दिनुहोस्

%d bloggers like this: