कांग्रेस प्रदेश-२ को उप-सभापतिमा घिमिरेको उम्मेदवारी घोषणा

जनकपुरधाम । नेपाली का‌ग्रेसका नेता प्रफुल्ल घिमिरेले प्रदेश-२ को उप-सभापतिमा उम्मेदवारी घोषणा गरेका छन् । जनकपुरमा युनियनद्वारा आयोजित पत्रकार सम्मेलनमा उनले उपसभापतिमा उम्मेदवारी घोषणा गरेका हुन् ।

धनुषा क्षेत्र नम्बर ३ बाट का‌ग्रेस महाधिवेशन प्रतिनिधि चुनिएका घिमिरेले पार्टीका उप-सभापति बिमलेन्द्र निधीको समुहबाट उम्मेदवारी दिने बताए । पार्टीलाई सिद्धान्तनिष्ट र अनुशासित कार्यकर्ता निर्माण गर्ने अभियान चलाउन प्रदेश उपसभापतिमा उम्मेदवारी दिएकाे उनकाे भनाइ छ ।

२०३६ सालमै नेविसंघबाट राजनीति सुरु गरेका उनी तरुण दलको जिल्ला अध्यक्ष तथा केन्द्रीय सदस्य र जनकपुरस्थित राराब क्याम्पसका उपसभापतिसमेत भइसकेका छन् । उनी नेपाल पत्रकार महासंघ धनुषा शाखाको सदस्य पनि हुन् ।

नेपाली कांग्रेसको प्रदेश २ को अधिवेशन आजबाट जनकपुरमा सुरु हुँदैछ । तीन दिनसम्म चल्ने प्रदेश अधिवेशनको उद्घाटन उपसभापति निधीले गर्ने छन् ।

प्रदेश सभापतिका लागि प्रदेश संसदीय दलका नेता एवं भौतिक पूर्वाधार विकास मन्त्री रामसरोज यादवले मात्र औपचारिक घोषणा गरेका छन् ।

१६,मंसिर.२०७८,बिहीबार १०:४२ मा प्रकाशित

प्रतिक्रिया दिनुहोस्