सुरेन्द्र चौधरीले फिर्ता लिए सह-महामन्त्रीको उम्मेदवारी

काठमाडौं। नेपाली कांग्रेसको केन्द्रीय सह-महामन्त्रीमा मनोनयन दर्ता गराएका सुरेन्द्र चौधरीले आफ्नो उम्मेदवारी फिर्ता लिएका छन् । चौधरीले थारु कोटातर्फबाट शनिबार मनोनयन दर्ता गराएका थिए ।

आफू काम गरेको एशोसिएशनबाट अलग्‍गै हुँदा गाह्रो पर्ने भएकाले उम्मेदवारको सूचीबाट नाम हटाइदिन उनले आग्रह गरे। आफूल शेरबहादुर देउवाको प्‍यानललाई नै समर्थन गर्ने उनको भनाइ थियो । यसअघि एकजना सह-महामन्त्रीका लागि चार जनाले उम्मेदवारी दिएका थिए ।

कांग्रेसको १४औं महाधिवेशन अन्तर्गत शनिबार उम्मेदवारी दर्ता भएको थियो । उम्मेदवारहरुको मनोनयन फिर्ता लिने समय आज बिहान ११ बजेसम्म भएनिए पनि १२:३० बजे अन्तिम नामावली प्रकाशन गरिएको थियो । सोमबार बिहान आठ बजेदेखि मतदान गर्ने निर्वाचन तालिका छ ।