हाम्रो अध्यक्षलाई दोषी देखाउने कुरा एक दुई तीन सम्भव छैन- महेश बस्नेतनेपाली कांग्रेसको नयाँ नेतृत्व चयनका लागि सोमबार मतदान हुँदै, यसरी हुँदैछ तयारी
वि.सं.२०७८ मंसिर २६ आइतवार १४:३५
5.02K
shares
shares
काठमाडौं । नेपाली कांग्रेसको नयाँ नेतृत्व चयनका लागि सोमबार मतदान हुँदैछ । कांग्रेसको केन्द्रीय निर्वाचन समितिले भृकुटीमण्डप, राष्ट्रिय सभागृह र नेपाल पुलिस क्लब गरी तीन स्थानमा एकैसाथ मतदान गराउने तयारी गरेको छ ।
ती स्थानमा अहिले मतदान केन्द्रको निर्माण भइरहेको छ । मतदानका लागि आवश्यक बुथ, मतपेटिका तथा अन्य आवश्यक प्रबन्ध गर्ने क्रम जारी रहेको निर्वाचन समितिले जनाएको छ । कांग्रेसका ४ हजार ७ सय ४३ महाधिवेशन प्रतिनिधिले मतदानमा भाग लिनेछन् ।
निर्वाचन समितिले मतदान सकिनासाथ सभापतिको मतगणना सुरू हुने जनाएको छ । पहिलो चरणमा कुनै उम्मेदवारले ५० प्रतिशत मत नकटाए सभापतिका लागि दोस्रो चरणको निर्वाचन हुनेछ । सभापतिको मत गणना सकिएपछि मात्रै पदाधिकारी र सदस्यतर्फको मतगणना सुरु हुनेछ ।
