चिकित्सा शिक्षा आयोगका उपाध्‍यक्ष प्रा.डा. श्रीकृष्ण गिरीको गाडीमा अज्ञात समूहले गरे आक्रमण

Anjita Karki
anjita.karki@nepalijanta.com

काठमाडौं। चिकित्सा शिक्षा आयोगका उपाध्‍यक्ष प्रा.डा. श्रीकृष्ण गिरीको गाडीमा अज्ञात समूहले आक्रमण गरेको छ ।

निवासबाट कार्यालय जाँदै गर्दा बिहीबार बिहान ११ बजे काँडाघारीमा अज्ञात समूहले ढुंगा प्रहार गरी आक्रमण गरेको हो ।

आक्रमणबाट गाडीको पछाडिको भागको सिसा फुटेको छ ।

उक्त आक्रमणको घटनाप्रति चिकित्सा शिक्षा आयोगले विज्ञप्ति जारी गरेर घोर भर्त्सना गर्दै संलग्‍नमाथि कारबाहीको माग गरेको छ ।

विज्ञप्तिमा भनिएको छ, ‘ राष्ट्रिय चिकित्सा ऐन तथा नियमावलीको प्रावधानभित्र रहेर निष्पक्ष र निष्ठापूर्वक उच्च मनोबलका साथ सेवा प्रवाह गरिरहेको अवस्थामा यस प्रकारको जघन्‍य घटनाको आयोग घोर भर्त्सना गर्दछ। साथै उक्त कार्यमा संगल्न व्‍यक्ति/समूहको पहिचान गरी कडा भन्दा कडा कारबाही गर्न आयोग नेपाल सरकार समक्ष अनुरोध गर्दछ ।’

यो पनि पढ्नुहोस  कर्णालीका मुख्यमन्त्री शाहीले बनाएनन् विष्टलाई मन्त्री , दुई मन्त्रीकाे सपथ आज एक बजे
१३,माघ.२०७८,बिहीबार १७:२९ मा प्रकाशित

प्रतिक्रिया दिनुहोस्

%d bloggers like this: