संविधानविद् टीकाराम भट्टराई भन्छन्, अनावश्यक धाराबारे बहस जरुरी छैन, वैशाखमा चुनाव हुनुपर्छ

काठमाडौं । नेपाल बार एशोसिएशनका पूर्व उपाध्यक्ष तथा संविधानविद् टीकाराम भट्टराईले कुनै पनि बहानामा स्थानीय तहको निर्वाचन पर धकेल्नु गैरसंवैधानिक र अलोकतान्त्रिक कदम हुने बताएका छन् ।

संविधानको कुनै पनि अनावश्यक धारा टेकेर चुनाव सार्न वा स्थानीय तह रिक्त राख्न खोज्नु गलत हुने उनको तर्क छ ।

संविधानको धारा २२५ को दोस्रो हरफ नै अनावश्यक भएको तर्क गर्दै उनले भने– स्थानीय तहको निर्वाचन जेठभन्दा पर धकेल्नेबारे संविधानले कल्पना नै गरेको छैन, कुनै दल वा गठबन्धनले संविधान संशोधन गरेर भए पनि चुनाव धकेल्न खोज्नु असंवैधानिक काम हुनेछ ।