कोरोना संक्रमणबाट थप ९ जनाको मृत्यु, १,७१४ संक्रमित थपिए

काठमाडाैं । नेपालमा आज १७१४ जना कोरोनाभाइरसका संक्रमित थपिएका छन् । पछिल्लो केही दिनयता परीक्षण कम हुँदा संक्रमितको संख्या घट्दै गएको छ ।

स्वास्थ्य तथा जनसंख्या मन्त्रालयका अनुसार ५ हजार २२५ जनाको पीसीआर परीक्षण गर्दा ११०३ र ३ हजार २८८ जनाको एन्टीजेन परीक्षण गर्दा ६११ जनामा कोरोना पुष्टि भएको हो ।

मन्त्रालयका अनुसार आज ४ हजार ७७१ जना संक्रमित निको भएर घर फर्किएका छन् ।

यस्तै थप ९ जनाको मृत्यु भएको छ । देशभरी सक्रिय संक्रमितको संख्या ५२ हजार ७८० रहेको छ ।

मन्त्रालयका अनुसार आज काठमाडौंमा ३१६, ललितपुरमा १०४ र भक्तपुरमा ४३ जनामा संक्रमण पुष्टि भएको छ ।

आजसम्म देशभरी ९ हजार ६५ हजार २२२ जनामा पीसीआर परीक्षण गर्दा संक्रमण पुुुष्टि भएकोमा ९ लाख ६३९ जना डिस्चार्ज भएका छन् ।