मोटरसाइकलले ठक्कर दिँदा सल्यानमा पैदलयात्रीको मृत्यु

दाङ । सल्यानमा मोटरसाइकलको ठक्करबाट एकजना पैदलयात्रीको मृत्यु भएको छ ।

सनिवार साझ खलंगाबाट श्रीनगरतर्फ आउँदै गरेको रा ४ प ९१७१ नम्बरको मोटरसाइकले ठक्कर दिदा शारदा नगरपालिका-१ पट्नेरीका २५ वर्षीय दिपेश डाँगीको मृत्यु भएको हो ।

मोटरसाइकलको ठक्कर घाइते भएका डाँगीको दाङको राप्ती प्रादेशिक अस्पताल तुलसीपुरमा उपचारको क्रममा आइतबार बिहान मृत्यु भएको जिल्ला प्रहरी कार्यालय दाङले जानकारी दिएको छ ।

मोटरसाइकल चालकलाइ प्रहरीले नियन्त्रणमा लिएको छ ।