गुल्मीमा मलामी बोकेको जिप दुर्घटना, १ जनाको मृत्यु, घाइते ८गठबन्धनबाहिरका दलसँग भएको तालमेल तत्काल खारेज गर्ने निर्णय, नत्र कारबाहीको चेतावनी
वि.सं.२०७९ वैशाख १६ शुक्रवार १३:४७
5.14K
shares
shares
काठमाडौं । सत्तारुढ गठबन्धनले विभिन्न पदमा बागी उम्मेदवारी दिएकाहरूलाई तत्काल फिर्ता लिन पुन: निर्देशन दिएको छ ।
आज आसन्न स्थानीय चुनावअन्तर्गत मनोनयन फिर्ता लिने अन्तिम दिन हो ।
बिहान कांग्रेस सभापति एवं प्रधनमन्त्री शेरबहादुर देउवाको अध्यक्षतामा बसेको पाँचदलीय बैठकले यसअघि सहमति भएका ६ महानगर र ११ उपमहानगरका प्रमुख-उपप्रमुख पदमा भएको सहमति भएविपरितका दलबाट गरिएका उम्मेदवारी फिर्ता लिन निर्देशन दिएको हो ।
पाँच दलीय गठबन्धनभन्दा बाहिर अन्य दलहरूसँग भएको तालमेल पनि तत्काल खारेज गर्न पाँच शीर्ष नेताहरूको हस्ताक्षरमा जारी विज्ञप्तिमा उल्लेख छ । पाँच दलले गठबन्धनबाहिरको तालमेल खारेज नगरे सम्बन्धित दलले तत्काल कारबाही गर्ने निर्णय पनि लिएको छ ।
