खराब ब्याटिङ गरेको नेपाल जिम्बावे ‘ए’ सँग ३ विकेटले पराजित

काठमाडौं । जिम्बावे ‘ए’ सँगको पहिलो एकदिवसीय खेलमा नेपाल तीन विकेटले पराजित भएको छ ।

त्रिवि क्रिकेट मैदानमा टस हारेर पहिला ब्याटिङ गरेको नपाल ३१।३ ओभरमा १ सय ३६ रन बनाए अलआउट भएको थियो ।

नेपालले दिएको १ सय ३७ रनको सामान्य लक्ष्य जिम्बावेले २६ ओभरको समाप्तिमा ७ विकेट गुमाएर पुरा गर्यो ।

जिम्बावे ‘ए का लागि ओपनर इन्नोसेन्ट कियाले सर्वाधिक ४८ रनको अविजित इनिङ खेले । उनले ४८ बलमा ४ चौका र १ छक्का प्रहार गरे ।

चेफास जुवावो २९ बलमा ३ चौका र २ छक्कासहित ३२ रन बनाएर आउट भए । राय किया १४ रन बनाएर पभेलिएन फर्किँदा ब्राड इभान्स १७ रनमा अविजित रहे । भने, अन्य ब्याटरले दोहोरो अंक जोड्न सकेनन् ।

नेपालको बलिङमा कप्तान सन्दीप लामिछानेले २ विकेट लिए । उनले १० ओभर बलिङ गर्दै एक मेडनसहित ३२ रन खर्चिए । कराण केसी २ तथा सागर ढकाल र सोमपाल कामीले एक÷एक विकेट लिए ।

नेपालले जिम्बावे ‘ए’ सँग दोस्रो एकदिवसिय खेल सनिबार र तेस्रो सोमबार खेल्नेछ । यसअघि नेपालले तीन खेलको टी–२० श्रृङखला बराबरी गरेको थियो ।

यो पनि पढ्नुहोस  ७५३ वटै स्थानीय तहका मतगणनास्थलमा सीसी क्यामरा राख्‍न निर्देशन
२३,बैशाख.२०७९,शुक्रबार १४:४६ मा प्रकाशित

प्रतिक्रिया दिनुहोस्

%d bloggers like this: