चुनावको दिन पानी पर्ने अनुमान, यस्तो छ सम्भावित मौसम

Anjita Karki
anjita.karki@nepalijanta.com

काठमाडौं । स्थानीय तह निर्वाचन हुने दिन अर्थात् वैशाख ३० गते पनि वर्षा हुनसक्ने मौसम पूर्वानुमान महाशाखाको प्रक्षेपण छ । ‘प्रि मनसुन’ सुरु भएसँगै पछिल्ला दिनमा भइरहेको वर्षा वैशाख ३० गतेसम्म निरन्तर हुने अनुमान छ ।

उक्त दिन केही ठाउँमा मेघ गर्जनसहित पानी पर्ने र केही ठाउँमा आंशिक बदली हुने बताइएको छ ।

अहिले नेपालमा स्थानीय वायु र भारतको बिहार–पश्चिम बंगालमा बनेको न्यून चापीय प्रणालीको संयुक्त प्रभाव छ । जसको असर चुनावको दिन पनि पर्ने मौसमविद्को अनुमान छ ।

आज दिउँसो पनि देशभर बदली रहने आँकलन मौसम पूर्वानुमान महाशाखाले गरेको छ । महाशाखाका अनुसार प्रदेश १, बागमती र गण्डकीका केही स्थान र बाँकी भूभागका एक(दुई स्थानमा मेघ गर्जन र चट्याङसहित हल्कादेखि मध्यम वर्षाको सम्भावना छ ।

यो पनि पढ्नुहोस  प्रचण्डले भने, 'हामी एमसीसीको विपक्षमा उभिन्छौँ, प्रहरी दमनको विरोध गर्छाैं'
२६,बैशाख.२०७९,सोमबार ०७:४१ मा प्रकाशित

प्रतिक्रिया दिनुहोस्

%d bloggers like this: