गुल्मीको ईस्मा गाउँपालिका अध्यक्ष र उपाध्यक्षमा कांग्रेसका उम्मेदवार निर्वाचित

नेपाली जनता

गुल्मी । गुल्मीको ईस्मा गाउँपालिकाको अध्यक्षमा नेपाली कांग्रेसका भगतसिंह खड्का र उपाध्यक्षमा पार्वती कुँवर निर्वाचित भएका छन् ।

अध्यक्षमा खड्काले ५ हजार ५८९ मत ल्याएका छन् । उपाध्यक्षमा कुँवरले ५ हजार ९०९ मत ल्याएको निर्वाचन अधिकृत लेखनाथ ज्ञवालीले बताए ।

गाउँपालिकामा अध्यक्ष पदमा निकटतम प्रतिस्पर्धी नेकपा एमालेका हिराबहादुर अर्यालले ५ हजार ४६४ मत ल्याएका छन् । उपाध्यक्षमा एमालेकै विमला खत्रीले ५ हजार १२१ मत पाएकी छन् ।

गाउँपालिकामा रहेका ६ वटा वडामध्ये ४ वटा वडामा नेपाली कांग्रेस र २ वटा वडामा नेकपा एमालेले जितेको छ । जसअनुसार वडा नम्बर १,२, ५, ६ मा नेपाली कांग्रेस र ३ र ४ मा एमालेले वडाअध्यक्ष जितेको निर्वाचन अधिकृतको कार्यालयले जनाएको छ ।

गाउँपालिकामा १७ हजार ८८२ जना मतदाता रहेकोमा ११ हजार ४६५ जनाले मतदान गरेका थिए । यो गाउँपालिकामा २०७४ सालमा सम्पन्न स्थानीय तह निर्वाचनमा अध्यक्ष र उपाध्यक्षमा एमालेले जितेको थियो ।

जिल्लाका १२ वटा स्थानीय तहमध्ये ७ वटा स्थानीय तहको मतगणना सकिएको छ । जसमा रेसुङ्गा, गुल्मीदरवार, ईस्मा, मदानेमा नेपाली कांग्रेसले जितेको छ भने चन्द्रकोटमा माओवादी केन्द्रले जितेको छ । छत्रकोट र सत्यवतीमा एमालेले जितेको छ ।

यो पनि पढ्नुहोस  अब असोज ५ गतेदेखि हवाई उडान र सार्वजनिक यातायात सञ्चालन हुने
२,जेष्ठ.२०७९,सोमबार १६:४९ मा प्रकाशित

प्रतिक्रिया दिनुहोस्

%d bloggers like this: