विमान दुर्घटनामा मृत्यु भएकाको शव आफन्तलाई बुझाइयो

काठमाडौं । तारा एयरको विमान दुर्घटनामा ज्यान गुमाएकाहरुको शव मृतकका परिवारलाई हस्तान्तरण गरिएको छ । महाराजगञ्जस्थित त्रिवि शिक्षण अस्पतालमा पोस्टमार्टमसकिएसँगै शव मृतकका आफन्तलाई हस्तान्तरण गरिएको हो ।

दुर्घटनामा ज्यान गुमाएका सबै २२ जनाको शव त्रिवि शिक्षण अस्पतालमा शवहरुको पोस्टमार्टम गरिएको थियो। अस्पतालले शव हस्तारण गरेसँगै मृतकका आफन्तले शव बुझेर आफनो परम्परा अनुसार दाहसंस्कार गर्न लगिएको छ । शव हस्तान्तरण गर्दा अस्पतालमा आफन्तहरुको आँखा ओभानो थिए । शवहरु एम्बुलेन्समा राखेर लैजाँदै गर्दा सडकमा समेत मौनता छाएको थियो ।

उनीहरुको शव सोमबार र मंगलबार दुई चरणमा काठमाडौं ल्याइएको थियो। आइतबार पोखराबाट जोमसोम जाँदै गरेको तारा एयरको विमान मुस्ताङको मानापाथी हिमालको फेदमा दुर्घटना भएको थियो । दुर्घटना भएको भोलिपल्ट मात्रै दुर्घटनाग्रस्त स्थितिमा जहाज भेटिएको थियो।
दुर्घटनामा चालक दलका तीन सदस्यसहित १३ जना नेपाली र चार भारतीय तथा दुई जना जर्मन नागरिकले ज्यान गुमाएका थिए।

१९,जेष्ठ.२०७९,बिहीबार १३:४६ मा प्रकाशित

प्रतिक्रिया दिनुहोस्