अमेरिका भ्रमणबाट फर्किए प्रधान सेनापति शर्मा

काठमाडौं । दुई साताभन्दा बढीको विदेश भ्रमणपछि नेपाली सेनाका प्रधान सेनापति प्रभुराम शर्मा आइतबार स्वदेश फर्किएका छन् ।

त्रिभुवन अन्तर्राष्ट्रिय विमानस्थलमा उनलाई बलाधिकृत रथी बालकृष्ण कार्की तथा रक्षा सचिव किरणराज शर्माले स्वागत गरेका थिए ।

उनी नेपाली सेना शान्ति मिसनमा खटिएको लेबनान र सिरिया भ्रमणपछि असार १३ गते औपचारिक भ्रमणका लागि अमेरिका पुगेका थिए ।

अमेरिकी सेनाका विभिन्न युनिटको भ्रमणपछि उनी आइतबार संयुक्त राष्ट्र संघको मुख्यालय पुगेका थिए ।

२०,असार.२०७९,सोमबार १५:०७ मा प्रकाशित

प्रतिक्रिया दिनुहोस्