एमालेका ७ सचिवका लागि ४० बढी आकांक्षी,लिष्ट नबाढ्न गुटका नेताहरुलाई अनुरोधराष्ट्रपति भवनअघि आत्मदाह गर्न खोज्ने निहारिका पक्राउ
वि.सं.२०७९ साउन २७ शुक्रवार १५:४८
3.91K
shares
shares
काठमाडौं । आफू बलात्कृत भएको र प्रशासनले कानूनी लडाइँमा सहयोग नगरेको गुनासोसहित आन्दोलनरत २० वर्षकी निहारिका राजपुतलाई प्रहरीले राष्ट्रपति भवन अघिबाट पक्राउ गरेको छ ।
राष्ट्रपति भवन अघि धर्ना बस्न पुगेकी उनलाई पुरुष प्रहरीले सडकपेटीबाटै पक्रेर भ्यानमा हालेका हुन् । निषेधित क्षेत्र तोडेकाले पक्राउ गरिएको प्रहीले जनाएको छ ।
राजपुत आफ्नो बच्चाको डीएनए जाँच गरिनुपर्ने माग राख्दै अनसनसमेत बसेकी थिइन् । घटनाको अनुसन्धान सुरुवातदेखि नै मुद्दा कमजोर बनाउने गरी भएको भन्दै पुनः प्रारम्भदेखि जाँच गरिनुपर्ने उनको माग छ । गत आइतबार बिहान सर्वोच्च अदालत परिसरबाट पनि उनी पक्राउ परेकी थिइन् ।
आफूमाथि जनकपुरका शिवराज श्रेष्ठले बलात्कार गरेर त्यसको तस्वीर र भिडियो पनि बनाएर ब्ल्याकमेल गरेको उनको भनाइ छ ।
तर जिल्ला अदालत धनुषाले २४ माघ २०७८ मा श्रेष्ठलाई सफाइ दिएको छ । त्यसविरुद्ध उनी उच्च अदालत जनकपुर पुगेकी छन् । मुद्दा अदालतमा विचाराधीन छ ।
