अण्डरग्राउण्डका संरचना खाली गराउन आरबी कम्प्लेक्समा मेयर बालेन्द्र
वि.सं.२०७९ भदौ ८ बुधवार १२:२०
shares

काठमाडौं । काठमाडौं महानगरपालिकाले काठमाडौंको धरहरास्थित खिचापोखरीमा रहेको आरबी कम्प्लेक्सको अन्डरगाउण्ड खाली गराउँदै छ । महानगरले आरबी कम्पप्लेक्सको अण्डरग्राउण्डमा रहेको पसल स्टोरहरु खाली गराउन लागेको हो । कम्प्लेक्स अगाडि बनाइएको संरचना पनि खाली गराउन लागिएको छ ।
पार्किङका लागि नक्सा पास गरेर सटर भाडामा दिएपछि महानगरले खाली गराउन लागेको महानगरपालिकाले जनाएको छ । यसअघि आजै महानगरले काठमाडौं महलअगाडि बनेको अवैध संरचनामाथि डोजर लगाएर खाली भत्काएको छ ।
अवैध संरचना भत्काउन र पसल खाली गराउन महानगरका मेयर बालेन्द्र साह र महानगरीय ट्राफिक प्रहरीका डीआईजी मीरा चौधरी पनि पुगेका छन् ।
यसअघि महानगरले बानेश्वर क्षेत्रका घरका अण्डरग्राउण्ड पार्किङमा थापिएका संरचना भत्काएको थियो ।




















