हिँडिरहेका बेला चट्याङ लागेर कञ्चनपुरमा एक दम्पतीको मृत्यु

कैलाली । कञ्चनपुरमा चट्याङ लागेर एक दम्पतीको मृत्यु भएको छ । आइतबार अपरान्ह चट्याङ लागेर घाइते भएका कृष्णपुर नगरपालिका–७ का २२ वर्षीय दिपक राना र उनकी श्रीमती २० वर्षीया मन्त्रा रानाको ज्यान गएको जिल्ला प्रहरी कार्यालय कंचनपुरले जानकारी दिएको छ ।

बाटोमा हिँडिरहेका बेला चट्याङ लागेर दुवै जना घाइते भएका थिए । उपचारका लागि धनगढीको सेती प्रादेशिक अस्पताल ल्याउँदै गर्दा मृत्यु भएको प्रहरीले जनाएको छ।

१९,भाद्र.२०७९,आईतवार १८:२२ मा प्रकाशित

प्रतिक्रिया दिनुहोस्