निर्वाचन अगाडि महाधिवेशन गर्नुपर्ने मागसहित कांग्रेस संस्थापनका दर्जन बढी नेताको भेलाअछाममा पहिरो : ११ जनाको मृत्यु, घाइते र बेपत्ताको संख्या दर्जनभन्दा बढी
वि.सं.२०७९ असोज १ शनिवार १०:३६
3.65K
shares
shares
रुपन्देही । अछामको कमलबजार नगरपालिका तथा ढकारी र तुर्माखाँद गाउँपालिकामा पहिरोमा पुरिएर एक दर्जन हाताहति भएका छन् भने दर्जनौ घाइते तथा बेपत्ता भएका छन् ।
अहिलेसम्म ११ जनाको शव भेटिएको, ७ जना वेपत्ता भएको र एक दर्जनभन्दा बढी घाइते भएको सहायक प्रमुख जिल्ला अधिकारी दिपेश रिजालले नेपाल प्रेसलाई जानकारी दिए ।
उनका अनुसार कमलबजार नगरपालिका वडा नं ६ को ठाँटीघाटमा गएको पहिरोमा परि ८ जना वेपत्ता भएकोमा ५ जनाको मृत्यु भएको छ भने १ जनाको सकुशल उद्धार गरिएको छ । २ जना अझै वेपत्ता छन् । ।
त्यस्तै कमलबजारकै वडा नं ८ मा चाउरे दमाइको घर पुरिँदा परिवारका ५ जनाको मृत्यु भएको जानकारी आएको पनि उनले बताए। त्यस्तै ढकारी गाँउपालिकामा १ घर पुरिएर एक जनाको मृत्यु भएको र २ जना घाइते भएका छन् । तुर्माखाद गाँउपालिका वडा नं ५ नारागाउँमा ९ जना बेपत्ता भएकोमा ५ जनाको शव भेटिएको छ ।
अहिले पनि वर्षा निरन्तर भइरहेकाले उद्धारमा कठिन भइरहेको उनले बताए।
