एपीएफका डीआईजी वंशीराज दाहाल एआईजी बढुवा सिफारिस

काठमाडौं । सशस्त्र प्रहरीका डीआईजी वंशीराज दाहाल अतिरिक्त महानिरीक्षक (एआईजी) मा बढुवाका लागि सिफारिस भएका छन् ।

सशस्त्र प्रहरी नियमावली, २०७२ को नियम ३९ को उपनियम (१) को (क) बमोजिम बढुवा समितिको हिजोको बैठकले दाहाललाई बढुवाका लागि सिफारिस गरेको हो । उनी वरिष्ठतम डीआईजी हुन् । भर्खरै मात्र सरकारले सशस्त्र प्रहरीमा थप एक एआईजी दरबन्दी स्वीकृत गरेर कार्य तथा सीमा सुरक्षा विभागलाई अलग-अलग पारेको छ । सशस्त्रमा हाल ३ जना एआईजीको दरबन्दी छ ।

गृहमन्त्रालयले बढुवा सिफारिसउपर चित्त नबुझे ७ दिनको म्याद राखेर उजुरी दिन भनिएको छ ।

७,आश्विन.२०७९,शुक्रबार ०९:५१ मा प्रकाशित

प्रतिक्रिया दिनुहोस्